رواية سِمَ وُ عَسَلَ كامله

احم احم
السلاااااااااااااااااااااااااام عليكم
جيتكم اليوم برواية
= اسمها
سم وعسل
وح ـــابة انكم تشاركوني هيا

وتقروها وتستمتعو معاها

فأتمنى انكم تشاركوني فيها
وما تمنعوني من ردودهم وارائكم
وانتقادتكم واقتراحاتكم << مو كنك طولتي << حسيت كذا



امممممم يلا اسيبكم مع الرواية
واتمنى تفاعلكم
محبتكم

البارت الاول




الــــــــــبــــــــــــــــــارت الاول




الجد محمد عندو ولدين عبد الرحمن وسعود...


اول شي عبد الرحمن:
عبد الرحمن يشتغل في شركة ابوه هو وعياله طيوب وحبوب


الام جواهر قلبها ابيض...



عيالهم:


1/ معتز 30 سنه تزوج ليلى بنت عمه سعود وعندو وائل 4 سنوات ووسن 3 سنوات..
2/عمران 25 سنه خاطب لوجين بنت عمه سعود...
3/ ورد 20 سنه ثاني كلية اداره اعمال وتدرس بره عن خالتها روان...



ثاني شي :سعود


سعود يشتغل مع اخوه في نفس الشركة طيب وفي اللي قلبه على لسانه....


الام الجازي اخت جواهر حبوبه.....
عيالهم:


1/ طلال 29 سنه صاحب معتز الروح بالروح وخاطب رزان بنت خالته روان....
2/ ليلى 28 سنه متزوجه معتز ولد خالتها وعمها....
3/ راكان 25 سنه يدرس بره هندسه وصاحب عمران....
4/ لوجين23 سنه تدرس الطب وخطيبة عمران.,.
5/ لمى 22 سنه تدرس الصيدله.....



ثالث شي : خالتهم روان


روان اخت الجازي وجواهر جوزها توفى وساكنه بره في ايطاليا.......


عيالها:


1/ جراح 22 سنه يدرس الطب.....
2/ رزان 21 سنه تدرس الطب وخطيبة طلال....



وجالسه عندهم ورد تدرس ادارة اعمال.....

رزان: ورد... ورد... ورد قومي اليوم اخر يوم امتحان...

ورد: هممم... 5 دقايق الله يخليكي...

رزان:ورد الساعه 10....

ورد وهي تنقز من السرير: لااااااا تأخرت.....

ــــــــــــــــــــــــــــــــــــــــــــ

عمران: اخيرا ياشيخ قررت...

راكان: اصلا دراستي وخلصتها اجلس ايش اسوي في الغربة...

عمران: متى طيراتك؟...

راكان: بعد بكره الساعه 2 الظهر...

عمران:توصل بالسلامه....

راكان: بس اسمع لاتقول لاحد لاني ادري انك ماراح تسكت....

عمران: ليش؟...

راكان: بخليها مفاجئة...

عمران: خربت المفاجئة لانه راح يدروا...

راكان: خلاص تيجي توديني....

عمران: ok تم....

راكان: شكللوا عندك خط ثاني....

عمران: اكيد.. يلا اقلب وجهك...

راكان: اكيد لوجين.. صح؟

عمران: ايوووه .. اقول مع السلامه خليني اكلم خطيبتي...

راكان: راح ارجع اوريك...

عمران: مع السلامه...

راكان: قفل ورمى نفسه على الكنبة بكل قوته واخد تنهيده طووويله....

الوليد: سلامااات..,

راكان: الله يسلمك...

الوليد: خير ويش فيك؟...

راكان:تعبان.. تعبان يالوليد تعبااااان...

الوليد:مشتاق لاهلك؟....

راكان: اكيد مشتاق لاهلي ومشتاق لـ.....

الوليد: ايش فيك كمل؟....

راكان: مشتاق اشوف وجهها... مشتاق اشوف مقالبها مشتاق لنظراتها البريئة....

الوليد: الله يعينك طيب ليش ماتتزوجها؟...

راكان:ياليت بس المشكلة اخاف انها ماتوافق وانصدم...

الوليد: جرب تدق عليها وتكلمها وتعرف رأيها... بالاول بعدين تقدم لها...

راكان: المشكلة ماتعطيني وجه على طول تقفل...

الوليد: ارسل لها رساله....

راكان: فكرة حلوه...

الوليد: اكيد حلوه موب انا اللي قايلها لازم تصير حلوة...

راكان: اقول لايكبر راسك...

الوليد: ههههههههههههه ......


ــــــــــــــــــــــــــــــــــــــــــــــــــ ــ
جراح: كيف الاختبار؟؟...


ورد بإبتسامة: عال العال...


جراح: اشوفك مبسوطة...


ورد: اكيد... لقد حليت تمام ... لماذا لا انبسط؟....


جراح: امحق لغة عربيه... إن شاء الله على طول...


ورد: وياك...

جراح: تدري متى راح نرجع السعودية؟....


ورد: متى؟؟؟....


جراح: الاسبوع الجاي بس انتي الثلاثاء واحتمال الاربعاء...


ورد: يااااااااااهوووووووووو احلى خبر...


جراح: اذا هاتي البشارة...


ورد: ولا يهمك العشاء اليوم عليا.. انا بطبخ لكم اليوم...


جراح: بعض الاحيان احس ان انتي اختي الحقيقية مو بالرضاعه....


ورد: ههههههههههههههه.........


جراح: لا بجد يعني انتي تسولفي وكل شي عندك اخذته ببساطه ومرح غير عن رزان....


ورد: اسكت لا يكبر راسي دحين....


جراح: ههههههههههههه....


ورد: يلا ايش تبغى العشاء....


جراح: امممم من زمان عن الباشميل...


ورد: اذا العشاء باشميل....


جراح: ياحليلك....


ورد: مشتاقة لاهلي مررررره....


جراح: مو لوحدك .. حتى انا...

ورد: جراح انت تحب لمى؟....

جراح بإرتباك: هااا .. لا ...

ورد: جراح الصراحه...

جراح: اممم بصراحه حب طفوله...

ورد: اممم حب طفوله حلو...

جراح بمرح: والشقاء والبقاء على للي مابعرفوا طريقة الحب...

ورد: كذا مرتاحين...

جراح: نفسي اشووووفك عروووووس.....

ورد: إنشاء الله بس مو دحين....

جراح: متى؟؟؟....

ورد: بعد الجاااامعه
ليلى: اهلين حبيبي

معتز: اخ ترى بذوب...

ليلى: احسن عشان ترجع بدري...

معتز: ليش في شي يوم؟..

ليلى: ايوه عازمتك على مطعم جديد...

معتز: اذا كذه ok امرك الساعه 8 ...

ليلى: خلاص استناك...

معتز: حياتي ووسن ووائل....

ليلى: بيروحوا عند خالتي جواهر....

معتز بمكر: يعني ليلتنا...

ليلى بحياء: ليلتنا... حياتي...

معتز: بطير .... بطير....

ليلى: ههههههه افتح الشباك.....

معتز: يعني؟....

ليلى: اشوفك حبيبي يلا باي....

معتز: مع السلامه....

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ


عمران كان واقف قدام مكتب معتز ويقلده: مع السلامه حياتي.. انا احبك حياتي... ماقدر اعيش من
غيرك حياتي... انتي كل شي في حياتي...

معتز: عمرااااان خير ايش فيك؟...


عمران: ولا شيئ اقلدك يمكن اصير زيك...


معتز: محد يقدر يصير زينا...


عمران: لا تتحدى..ترى انا ولوجين قمة الرومانسيه....


معتز: باين وانتا وايها كل ما اتصلتوا ببعض تضاربتوا...


عمران: هذا الحب الاصلي...الفيرلاندي....


معتز: خخخخخخخ الجوال...


عمران: اكيد الجواال...


معتز: اخرج بره عندي شغل...


عمران: ok....


خرج عمرااان وهو يضحك مع اخوه ويدعي ربه في نفسه: (( ماشاء الله عليهم مر على زواجهم خمسة سنين وللان مابينهم مشاكل الله لا يغير عليهم))...


عمران: هلا وغلا بوجع قلبي وظهري....


لوجين: ههههههههههه اهلا بوجع عمري...


عمران: وجعي....


لوجين: عيون وجعك....


عمران: ليش مانصير زي معتز وليلى.....


لوجين: حتى انا فكرت... بس احسان مالو طعم...


عمران: اقول حياتي...

لوجين بحياء: قول ياعمري...


عمران: انا احبك...


لوجين: وانا كمان...


عمران: بس انا اسف..


لوجين: على ايش؟...


عمران: بروح اخطب وحده ثانيه...


لوجين: ايوة ومين الثانيه....


عمران: خويتي زمااان كانت تقولي احبك...


لوجين بعصبية: وجع في شكلك ياعمران اللهي تطيح عليك عمارة...
عندك خويه ومن وراية بعد.. لا وزواجنا بعد شهر...


عمران: شويه شويه حياتي....


لوجين: بلاء في حياتك ياخذك...


عمران: البلاء في حياتك انتي....


لوجين: اللهي اللهي تطيح من الدرج وانتا نازل.....


عمران: احسن عشان افتك منك...


لوجين: يكون احسن.........


تووووت توووووت توووووووت


وهذا حال لوجين وعمران من يوم الملكة وهما هذا حالهم بس يتضاربوا
كل ما اتصللوا ببعض ويرجعوا يتصالحوا ويكملوا مشوار حياتهم...

طلال: اخ متى نتزوج...

رزان بحياء: بعد شهر مع عمران ولوجين...

طلال: والله كان ودي نسوي زواج لحالنا...

رزان: لا كذا احسن.. واحلى...

طلال: وحشتيني...

رزان: وانتا اكثر...

طلال: متى جاية؟....

رزان: الاسبوع الجاي...

طلال: واخيرا حنيتي عليا...

رزان: هههههههههه...

طلال: واااو ضحك ابو الهوول....

رزان: وافق شن طبقة....

طلال: حاضر ياطبقه...

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ


لمى: انا بعرف ايش عاجبك فيها...

لوجين: كذا عاجبتني.. بعدين انتي ليش مو عاجبك احد؟... ليه رافعه خشمك على الكل؟....

لمى: انا ماني رافعه خشمي ولا شي يتهيألك, وبعدين شخصية ورد ماتعجبني... وخلاص...

لوجين وهي خارجة: حقوووووده...

لمى في نفسها: ((والله ماني حقووده ايش اسوي اذا كانت قاهرتني هالبنت ما اطيقها ابد..
وين مارحت سمعتهم يمدحوها...ويسألو عنها حتى وهي مساافره ما ارتحت ياربي...
ايش هذا القلق المفروض ما افكر بشي دحين الا راكان اخخ يا راكان وحشتني يا اخوي كويس يومين واشوفك وهالقشرة ورد بعدك باسبوع وراح يسوولكم حفله سوا...لالالالا الله يعين بس...))

************************************************** *


عبد الرحمن: جوااهر... جواهر...

جواهر: هلا عبد الرحمن...

عبد الرحمن: تدرين بنتك الاسبوع الجاي توصل..

جواهر بفرح: والله.. الف حمدلله على السلامه... واخيرا برتاح....

عبد الرحمن: راح نعمل لها حفله في المزرعه في الشرقيه هي وراكان...

جواهر: راكان جاي معاها...

عبد الرحمن: لا راكان جاي بعد بكره...

جواهر: اهاا.. اجل بروح عند اختي اليوم...

عبد الرحمن: ليش؟؟..

جواهر: بروح عندها اكيد عندها اشياء بتسويها بساعدها...

عبد الرحمن: اجل نروح لهم كلنا.. دقي عليهم بلغيهم..

جواهر: تأمر أمر...






بعد يومين يوم رج ـــوع راكان
الجد : ياسعود ..... يا سعود
سعود : نعم يباه
الجد : وحفيدي راكان متى يجي
سعود : اليوم اليوم العصر جاي
الجد : دحين الساعة كم
سعود : 9 الصباح
الجد : اجل بروح ارتاح
سعود : ما تفطر
الجد : لا صحوني بعدين بروح معاكم
سعود : يباه تعب عليك
الجد : ان صحيت وما شوفتك ودريت انك روحت والله والله .... لاخذ تكسي والحقك
سعود : خلاص انتا روح ارتاح ووقت الطيارة بصحيك
الجد : وين الجازي ...؟؟
سعود : في الصالة
الجد : روح ناديها
سعود : حاضر
وبعد فترة جاءو وسن ووائل والجازي جدتهم
وسن وهيا تنط في حضن جدها : جدي جدي
الجد : يا عين جدك
وسن : مين راكان
الجد : هادا يصير خالك
وائل : بس احنا عندنا خالو طلال وخالو عمران
الجد : هذا كمان خالك
الجازي : خلاص يا عيال طفشتو جدكم خلوه يرتاح
الجد : يلا سمعتو الكلام
الجازي : عمي طلبتني
الجد : ايووه يا بنتي
الجازي : تفضل
الجد : اسمعي كلامي ولا تقاطعيني
انا ابغاكي تدوري لراكان عروس ادري انو محد عاجبو من قرايبو واصلا ما بقي غير ورد .....
والولد اللي قدو متزوجين وبعيالهم الا هوا فخذي لو وحدة طبعها زي طبايعو ولا انا كان نفسي ورد تكون زوجة له بس ولدك الله يهديه
الجازي : ان شاء الله عمي بس اخاف يزعل
الجد :لا يزعل ولا شي احد يزعل لو جابو لو عروس
الجازي : مدري شورك وهداية الله
الجد وهوا يغمز للجازي : وحتى انا من هنا ولا من هنا
الجازي : ههههههه قول كدا من اول انتا تبغى تتزوج

الجد : والله ما اكره
الجازي : خلاص اشوف
وخرجت الجازي وهيا تضحك على عمها.... قابلت سعود في الدرج
سعود : ايشبو ابويا
الجازي : ولا شي يبغاني ادور لراكان عروسة ولو لقيتلو كمان يكون احسن
سعود : الين دحين ما نسي
الجازي : ولا راح ينسى
سعود : طيب من جدك بتدوري
الجازي : والله ما ادري .. انتا تعرف راكان ولدك الواحد ما يعرفلو طريق واخاف ندورلو ويزعل
سعود : خليه براحتو واذا جاء فتحنا لو السالفة
الجازي : احسن
سعود : ترى في حفلة مسوينها لراكان وورد الاسبوع الجاي في المزرعة اللي بالمدينة
الجازي : ليش الحفلة
سعود: عشان راكان جاي بعد غربة 4 سنوات وورد سنتين
الجازي : بس ورد باقي لها 3 سنين
سعود : ايووه بس العام ما جاءت عشان كدا بنسوي لها حفلة
الجازي : ورد متى جاية
سعود : الاسبوع الجاي ان شاء الله
الجازي : والله لها وحشة البنت دي
سعود : ايه والله ان شاء الله تكون من نصيب راكان مع اني اشك انو دا النوع يدخل مزاجو
لوجين بصوت عالي من فوق ( الدور الثاني ): مزاج مين ونوع مين؟؟
سعود والجازي : بسم الله الرحمن الرحيم ... من فين طلعتي
لوجين : مزاج مين ونوع مين
سعود : ماراح نفتك
الجازي : مزاج راكان اخوكي ونوع ورد
لوجين : ان شاء الله تبغو تزوجوهم
الجازي : مدري على مين طالعة عبقرية
لوجين : على نفسي اكيد الموهم .... بجد بتزوجو ورد لراكان
سعود : بنحاول ليش عندك مانع
لوجين : لا بس اخاف دراكولا يعذب انسة ملعقة
سعود : مين دراكولا ومين انسة ملعقة
لوجين : وركان وورد
الجازي : عيب هادا اخوكي الكبير
لوجين : اسفة بس بجد اخاف يعذبها
الجازي : ليش يعذبها ؟؟
لوجين : ماما يعني ما تعرفي شخصية راكان تفجع
سعود : يعني ورد اللي ما تفجع
الجازي : لا والله رود ما شاء الله عليها شمعة البيت
لوجين بلا مبالاة : اصلا ورد راحت عليكم
سعود : ليش
لوجين : اتزوجت ودحين بتجي مع زوجها
.................................................. .................
في الطيارة
راكان : اوووف ظهري تكسر من الجلوس
الوليد : قوم وتمشى في الطيارة
راكان : حديقة
الوليد : يعني وش اقولك
راكان : ولا شي
الوليد : صح سويت اللي قلت لك عليه
راكان : الرسالة
الوليد : ايووه
راكان : ارسلتها
الوليد : وش ردت البنية
راكان : اسكت بس
الوليد : طيب قول اللي انت كتبته

راكان (( احبك والله احبك ومالي غنى عنك انتي اللي اختارها قلبي وحياتي تكمل معاكي ومستحيل افكر بغيرك وانا احبك وحبي لك مالو حدود وياليت لو اتوج حبي منك بالزواج
تقبلي تتزوجيني ))
الوليد : ماشاء الله ما خليت على قلبك ووش ردت
راكان : قالت لي يلعن حركات الابتدائية
الوليد : ههههههههه خطيرة
راكان : اسكت لا تضحك
الوليد : كان اخذت جيسيكا البنية ميتة عليك
راكان : النوع هذا ما يعجبني
الوليد : وش النوع اللي يعجبك يا بعدي
راكان : زي حبيبتي
وبعد رحلة طويلة واخير وصلو لمطار جدة ونزلو
راكان : هااه الوليد شايف حد
الوليد : شايف جدك ومعاه بنت
راكان : والله بجد
الوليد : والله
الوليد : من هناك (( وياشر له )) وبالفعل كان جدو ولوجين
الجد : هذا راكان والوليد
عبد الله : ولدي وليد
الوليد : هلا يباه ((و ضم ابوه وصار يدمع غربة 5 سنوات مو سهلة ابدا))
الجد : رااااااااكان
راكان : بسم الله جدي ايش فيك
((وحضنو بعض هما كمان )) وسووو الفيلم الهندي والجد بكي وسعود وعبد الرحمن وطلال وعمران ولوجين كلهم بكيو
وخلصو الفيلم ورحو للسيارات
في السيارة كان الجد جالس قودام جنب سعود
ووراهم عمران وراكان وطلال وعبد الرحمن راح بسيارتو ووراحهم لوجين
الجد : لووووووجين
لوجين بفزع : نعم جدي
الجد : متى تجي ورد
لوجين : الاربعاء الجاي
الجد : بروح اخذها
لوجين : هيا بترجع مع زوجها
في هاذي اللحظة التفت راكان للوجين وعيونو حايرة تدور الصدق لوجين اول مرة تشوف راكان بهاذي الطريقة ارتعبت من شكلو ولوجين وورد لما يخافو من شي يضحكو
راكان في نفسه (( لا لا اثاريها تهرب مني والله منتي هينة يا رود تزوجتي وتركتيني وانا اللي راسم حياتي معاكي وفرحان اني بشوفك ))
قطع افكارو وسرحانو صراخ لوجين
لوجين بصوت عالي : راكااااااااااااان انزل وصلنا كوله منزلو
راكان التفت للوجين: لوجين صدق اللي سمعتو ورد تزوجت
لوجين ما قدرت تسكت وتخلي اخوها بهاذي الحيرة
لوجين : لا ما اتزوجت امزح عليك بس هيا قااااااالت جاءها عرض زواج في جوالها
راكان : ههههه ماقالت مين ارسلو
لوجين : اسمو راكان
راكان : ههههه ما تخبي عليكي شي
لوجين : ليشت خبي عليا اذا انا ما اخبي عليها
راكان : اممممم ممكن سؤال
لوجين : اسال
راكان برتباك : هيا تحوب .... تحوب احد .... يعني في احد في قلبها ؟؟
لوجين : هههههه تطمن هيا ماتحوب ولا تعرف الطريق
راكان : اوووف الحمد لله على بالي تحب احد
لوجين : تقدر تخليها تحوبك
راكان : اخاف ما اكون قدها
لوجين : اسمع يا دراكولا الانسة ملعقة حتى لو حبت ما راح تبين وماراح يبان عليها فانت لا تقولها احوبك على طول كدا وتفجع البنت لا حاول تستميل قلبها
راكان : اوكي بعدين انا دراكولا

لوجين : خخخ انتا دراكولا وورد انسة ملعقة
راكان : عن الغلط كلش ولا ورد
لوجين : لو تدري انها هيا اللي طلعت عليك اللقب
راكان : ليش
لوجين : عشان عمرنا ما شوفناك تسوي خبال ودايما تطالع فينا لما نسوي رجه كاننا مجانين ولا مهابيل ولا تتكلم كثير وبصراحة لك هيبة في المكان اللي تجلس فيه
راكان : هيبة ؟؟
لوجين : ايووه يعني الكل يضرب لك الف حساب
راكان : هههههه يلا انزلي
لوجين : يلا
نزل راكان ونزلت لوجين ودخلو الفلة وكملو الفيلم الهندي
.................................................. ...........................
ورد : sorry ican;t
سامي : ليه
ورد : مادري بس ما اقدر
سامي : بس انا احبك
ورد : ...........
سامي : ورد انا حبيتك من اول مرة شفتك فيها
ورد : اسفة سامي والله ما اقدر
سامي : ليه يا ورد ما تحسين فيني ليش ياورد انا احبك وانتي اكثر وحدة عارفةوتدرين بعذابي انتِ حبي الاول والاخيرياورد انا مستعد اسوي أي شي عشانك
ورد : انا بسافر يوم الثلاثاء
سامي : وانا يا ورد وانا
ورد : اسفة والله ما اقدر
سامي : طيب اشوفك السنة الجاية
ورد : ان شاء الله وسلم على ميان
..............................................
سامي عمرو 28 سنة سعودي ويشتغل في ايطاليا ويحب ورد بجنون وميان اخت سامي صديقة ورد
.................................................. ...
يوم الثلاثاء 7 صباحاا
كانت العائلة كولها مجتمعة في بيت سعود يخططوا ليوم الاربعاء يوم جية ورد ويخططو لحاجة تانية تعرفوها بعدين
جواهر : اااااه اخير بشوف بنتي
الجازي : ايه والله لها وحشة
جواهر : الحمد لله
الجازي : القسم اللي تدرس فيه فتحوه هنا في جدة ليش ما تسجليها
جواهر : هيا سجلت فيه
الجازي : احسن وتكون بنتك قودام عينك
جواهر : الله يوميا اشيل همها
الجازي : ايوه صح بقولك
جواهر : ايش
الجازي : ايوه بنروح نخطب لراكان غيداء بنت الجيران
جواهر : ايوه ماشاء الله البنت اخلاق وادب
الجازي : بس انا نفسي بورد لراكان
جواهر : طيب اساليه
الجازي : على قولتك
.................................................. ..............................
في المطار
نزلت من الطيارة وكلها شوق لوطنها ولاهلها ومن فرحتها نفسها تضم االكل
راحت استلمت شنطها وحست بخيبة امل محد جاء يستقبلها
...............................................
الجد: يا عبد الرحمن بنتك متى طيارتها
عبدالرحمن : بكره الساعة 3 العصر
الجد : اقول راكان
راكان : هلا جدي
الجد : ليش ما تتزوج

راكان : جالس على قلوبكم
الجد : لا بس نفسي اشوف عيالك
راكان : حلوين
الجد : عندي احساس انهم راح يكونو معقدين
راكان : اعوذ بالله ليش
الجد : زيا بوهم لا يتكلمو ولا يضحكو
في هذا الوقت رن جوال راكان مسك جوالو وصار يطالع في الرقم وهوا مذهول (( مومعقولة تتصل ... معقولة قبلت عرضي ))
راكان : الووو
الصوت :السلام عليكم
راكان خرج من الصالة : وعليكم السلام
الصوت :راكان
راكان : عيونه
الصوت : انا ورد
راكان : عارف انك ورد
ورد : طيب ممكن طلب
راكان : تفضلي
رود : عمران ومعتز ليش ما يردو على جوالتهم
راكان : نايمين
ورد : طيب لو سمحت ممكن تجي تاخذني من المطار
راكان باستغراب : أي مطار
ورد : المطار المطار انا من اول واصلة واستنى ومحد جاني
راكان : ههههههه خلاص مسافة الطريق
ورد : ولا تجيب معاك احد
راكان استغرب من طلبها بس ما اتكلم وفي نفسه (( ورد تتصل فيني ورد لالا غريبة وتطلب مني اني اجي لوحدي واخذها ان شاء الله تكون غيرت رايهاووافقت ...... ااااخ لو وافقتي ياورد )) وصل للمطار ونزل يجري وشافها واقفة وكانت مفجوعة والخوف باين عليها واول مرة يشوفها كدا قرب منها وهيا صارت تناظره بعيون الغريق اللي يطلب النجاة او الطفل الضايع وفجاءة طاحت في حضنو وصارت تبكي وهوا يهديها
وشوية
صحي من احلامو الوردية (( خخخ ))
وهوا واقف عن بوابة المطار خرج وشاف ورد جالسة وحولينها شنطة نفس اللون وباحجام مختلفة وهيا جالسة تقراء كتاب واول ما شافتو ابتسمت
راكان في نفسه (( حتى الغربة ما غيرتك ما غيرت عادتك في الابتسامة دي))
راكان : الحمد لله على السلامة
ورد : الله يسلمك ويسمنك
راكان : غريبة مو طيارتك بكره
ورد : انا طيارتي من الجامعة حقتي وموعدها اليوم اما خالة روان هيا اللي طيارتها بكرى
راكان : معليش الكل في بال وان طيارتك بكره الساعة 3
ورد : حصل خير
ورد طلعت السيارة وهيا تفكر كيف تهزئهم وكيف تبرد قلبها وكيف راح تزعل لاحظ راكان سرحانها ونظرات المكر والابتسامة الشريرة
قطع سرحانها راكان : تدري انك ما راح تقدري
ورد : عفوا ما سمعت
راكان : اقول ما تقدري
ورد : على ...؟
راكان : انتي بتخططي كيف تهزئيهم وتبردي قلبك
ورد : وليش ما اقدر
راكان : لانك مشهورة انك لما تهزئي تضحكي
ورد : عاد ايش اسوي
راكان : ممكن اعرف ليشت ضحكي لما تهزئي او تزعلي اوتخافي
ورد : لاني ما احوب احد يطالع في عيوني ومشكلتكم تطالعو في عيون الواحد مباشرة وتخلوني اتشتت
راكان : يعني ما تحوبي احد يطالع في عيونك
ورد : ايووه
راكان : يعني نقطة ضعف
ورد بلا مبالاة : يب

راكان : اممم حلو
ورد : ايش الحلو
راكان : لالا ما في شي
وصلو للبيت وبما انو سيارة راكان جيب ومرتفع وورد قصيرة فالمسكينة رجلها ما توصل الارض (( خخ )) وراكان كان ينزل الاربعين شنطة ويطالع فيها ويضحك الين ما استجمعت قواها ونطت وعلى نطتها (( قفزت للي ما يعرف نطت ))
التوت رجلها وجاءت بتطيح ورفعها راكان من خصرها بسرعة ووقفها
في هذي اللحظة خرجت من بيتهم ولاحظت سيارة راكان وقلبها دق بقوة وشافتو وهوا ماسك ورد من خصرها ويطالع فيها اما ورد ما كانت مهتمة لنظراته ابدا كول همها انها تدخل البيت وتسلم على اهلها المشتاقة ليهم
هنا اشتغلت الغيرة عندها وفي نفسها (( انا يا راكان اللي تعبت معاك انا يا راكان اللي عارفة كول شي عنك من راسك للرجلك ايش تحوب وايش ما تحوب وتروح تطالع غيري لا ووحدة ياريت مهتمة فيك كمان والله ما تدري عن ابو جدك بس هين اوريك انا )) وطلعت السيارة
وكلها قهروحسد من هادي اللي بتدخل حياة راكان
ورد وهيا واقفة في وسط البيت وبصوت عالي : انا وصــــــــلـــــــــــت
راكان : بس تراكي خرقتي اذني
ورد بعناد وصوت اعلى : ماما ......بابا ....... فينكم
لكن محد رد
ورد ببرائة : فينهم
راكان : لحظة اسال الخدامة
راكان : سونياااا ... سونيااااا
سونيا : نعم
راكان : فين راحو
سونيا : كولهم راحو مطعم ايكيا يفطرو
ورد : شوف الخيانة ايكيا مرة وحدة
راكان : دحين فين نروح
ورد : انابطلع اخد دش ونخرج نتغدى بره .. ايش رايك
راكان :/ في ايكيا
ورد :لا نروح محل تاني
راكان : اهاا طيب لا تتاخري
.................................................. .......................
غيداء : عاش من شافك حبيبي
يزن : او سمع عنك خبر
غيداء : عاش من شافك حبيبي
يزن : او سمع عنك خبر..... غيداء حياتي
غيداء : نعم يا عمري
يزن: تتزوجيني
غيداء باستغراب : ما سمعت
يزن : تتزوجيني
غيداء واخير استوعبت : لا
يزن : نعم
غيداء : من قال نعم سمع
يزن : ايش يعني لا
غيداء : يعني لا يعني رفض يعني no
يزن : مو انا اللي انزفض يا غيداء وتدري اني احوبك
غيداء : لا
يزن : يعني تحبي غيري
غيداء : ومين قال اني احبك
يزن : باي
غيداء : باي
.................................................. ....................
في ايكيا
الجد : يلا الساعة 1
الجازي : ايش في
الجد : موعدنا اليوم نخطب
الكل : يلا
في طريق الرجعة او بالاصح الروحة لبيت العروس
جواهر والجازي ركبو مع سعود وعبدالرحمن

جواهر والجازي ركبو مع سعود وعبدالرحمن
والجد ولوجين وطلال ولمى مع عمران
طبعا في سيارة عمران كان الجو حافل وطلال في فرحان لانو باقي 24 ساعة تفصلو عن حبيبتو ولمى اخير بتتاكد من حبها
والجد فرحان واخير بيشوف شمعة البيت ورد
اما لوجين وعمران فكانو غرقانين في العسل الخاص فيهم
عمران : لوجين طفي المسجل
لوجين : بسمع الاغنية
عمران : انا ما احبها
لوجين : بس انا احبها
عمران : وجعي باللهي اطفي
لوجين : عيون وجعك بس سوري ابغى اسمعها
عمران : ترى اخرب الاغنية
لوجين : لالالالالالا
الاغنية لعلي عبدالله لحظة الم
تمنيتك تجيني في حلم
واعيش الحلم انا وياك
رسمتك في الشعور انسان
رسمتك في الشعور انسان
وشفتك نصفي الثاني
وهنا دخل عمران بصوتو النشاز
طلع الفجر ذهب الليلُ والعصفور صوصو ..... صوصو
شاف القطة قالها بس بس قالت لو نونو .....نو
الجد : واللي يرحم والديك اسكت

لوجين وهيا سادة اذانيها : اسكت كسرت قزاز السيارة
طلال : وجع عمران ايش هاذا النشاز
وعمران يكمل : ساب مدرستو ورمي كرستو وراح برضو شكى لها
رحت القطة مخرمشة ايدو لما مسكت ديلها
وهذي جزاءة اللي ما يسمعش كلمة عمران قالها
سكت عمران والتفت لورى وما لقى احد
.................................................. .
طلال : تحاشرو ما هي مشكلة
لوجين : من جد
الجد : لمى تعالي عندي قودام
لمى : لا جدي مرتاحة هنا
لوجين : انا اجي
الجد : طقي محلك
وشوية دق عمران
عمران : فينكم خلصت الاغنية ما لقيت احد
طلال : مو يوم ما وقفت في الاشارة احنا شردنا
عمران : فين روحتو
طلال : شفت التكسي اللي وراك
عمران : ايوه
طلال : احنا فيه
عمران : ههههههههه اجل مع السلامة
............................................
قفل عمران وهوا يضحك وافتكر راكان اليوم كلو ما شافو ودق عليه
راكان : الوووو
عمران : هلا والله بالمعرس
راكان : أي معرس
عمران :اما ما تدري
راكان : عن ايش
عمران : الكبار راحو يخطبو لك اليوم ... غيداء بنت الجيران
راكان بعصبية : نعم

عمران : اهدى اهدى
راكان : عمران اكلمك شوية
عمران : مشغول
راكان : ايووه
...............................................
ورد : لوسمحت بعد يدك عني
الرجال : طيب عطيني الرقم
ورد وهيا تسحب يدها : وسخ
الرجال : على قلبي زي العسل
ورد لفت تبغى تروح بس الرجال رجع مسك يدها بقوة : على وين
ورد : مالك شوغل وابعد ايدك الوسخة دي عني (( وبصوت عالي )) راكاااااااااااااان ))
الرجال :انا اسمي عبد الله وعمري 30 سنة عزابي وابغى اتزوج
ورد : في احد مسكك
الرجال : ابغى موافقة العروس يا عروس
ورد بصوت عالي: راكان
راكان من سمع صوتها تناديه صار يدور عليها في المحلات الين ما وصل لها وشاف الرجال ماسك يدها بقوة وهيا تحاول تفك يدها والرجال شوية وياكلها بنظراته ....راكان حس بشي يغلي داخلو وما حس بنفسو الا وهوا يضرب الرجال بوكس ويطيح على الارض وفي هذيك اللحظة
يزن : علاء تعال شكلها في مضاربة
علاء : ايوه والله تعال نروح نشوف
يزن :خوفي يكون اخوك عبد الله
علاء : تجي نفزع
يزن : وايش ورانا
رواحو يزن وعلاء لجهة تجمع الناس ويزن طاحت عيونو على ورد ورد كان شكلها يجنن
قصيرة ومليانة شوية وعيونها وساع ولونها عسلي وفيها شوية من اللون الاخضر وهاذا الشي يخلي الانسان غصبا عنو يطالع في عيونها وخشمها صغير وفمها كمان بس شفايفها حلوة لونها زي التوت صفاتها كانت تجذب خاصة انها ما تغطي وفوق دا كولو انها معصبة
يزن من دخل وسط التجمع وهوا ما شال عيونو عنها اما هيا ما كانت تدري عنو كان كول همها راكان اللي عصب وصار بس يضرب في عبد الله
علاء تدارك الموقف لما شاف انو يزن ما منو فايدة ودخل فارع بين راكان وعبد الله وتفرقو وانصدم راكان لما جاءت ورد وطاحت في حضنو وصارت تبكي حس في داخلو مشاعر جديدة ورفعها ومسح دموعها
راكان بحنية : شوفي الساعة 3 لازم نروح نكمل الخطة
ورد ببرائة : وثوبك
راكان : ينفع للخطة
رواحو الاثنين لكن يزن ما اتحرك من مكانو ومو قادر اصلا يتحرك كل اطرافو بردت.
.................................................. .......................................
يزن انسان ناجح في حياتو ويدرس الطب واخر سنة في الكلية وعائلته من اكبر هوامير جدة بس
.... ابوه كول يوم في الاستراحات والكازينو والشالهات والصفقات التجارية ومشغول ومو داري عنو
وامه كول يوم داخلة عرس وخارجة من عرس وعند فلانة وعلانة واخوه الكبير مرة ملتزم ومن كثرة الالتزام سافر من سنتين ومحد يدري عنو وهو اتربى في بيت جده في الرياض لكن لما توفى جده اضطر انو يرجع لاهله وفي البداية ما كان عاجبو وضع اهله لكن بداء يتاقلم مع الوضع الجديد وصاحب اوسخ شلة في جدة زياد وعبد الله وعرفوع على غيداء على انها اول فريسة له بس هوا ما رضي ولما طلب منها الزواج رفضت
.................................................. ..............................................
علاء انسان مثقف وواعي وعاقل ولو طموحاتو بس اخوه الكبير عبدالله دايما يسحبو معاه على امل انو ممكن يصير زيو في يوم من االايام
.................................................. ......................
زياد انسان معقد من البنات فقرر انو ياذي كول بنت
.................................................. .....................
عبد الله اخو علاء الكبير انسان حقودة وعندو حب التملك وتابع لزياد مالو أي هدف بالحياة
.................................................. ........................
زياد : يزن وعلاء هذي فريستكم الجديدة
يزن : لالالا مو هذي دور وحدة تانية
زياد : اذا ما تبيها انا وعبد الله ناخذها
يزن بخوف : لالا الله يخليك ابعد عنها
زياد : صير رجال و

قاطعو يزع بعصبية : انا رجال غصبا عنك والرجولة مو انك تعرف بنات الناس وتاذيهم بالعكس هاذا نقص وعقدة نفسية
زياد : ارحمنا من فلسفتك الزايدة
يزن : البنت هذي ما تقربوها
زياد : مالك شغل وبصراحة عجبتني ودخلت مزاجي
يزن خاف من زياد لان زياد البنت اللي يقول انها دخلت مزاجو يعني هلاكها وموتها
يزن : شوف خود اللي تبيها بس هذي البنت انا ابغاها
زياد : يعني فريستك
يزن : ايوه خلاص انا اخذها
زياد : عافية حبيبي يزن
.................................................. .........
الجازي : احنا جايين اليوم نتشرف بنسبكم
ام غيداء : والله الشرف لنا
الجازي : ونبغى بنتكم لولدنا راكان
ام غيداء : والله هادي الساعة المباركة
الجازي : يعني موافقين
ام غيداء : والله الشور شور ابو غيداء وغيداء
..........................................
ابو غيداء بهمس لولدو : قوم روح وشوف اختك
نادر: تامر امر
ابو غيداء : تسلم
وقام نادر من عندهم ودخلو الرجال في كلام عن الصفقات والشركات والحريم عن الزواجات
............................................
نادر : غيداء غيداء
غيداء : خير
نادر: الخير بوجهك .... جاء اللي ياخذك وافتك منك
غيداء : يااااااي جالسة على قلبك
نادر : مرة لحد الاختناق
غيداء : هههههه اخلص علينا مين
نادر : راكان ولد جارنا
غيداء :كح كح كح من جد
نادر : هوا بذاتو (( خخ))
غيداء بتسوي ثقيلة : ايش يبغى
نادر : اما عليكي عقل تقدم لك الولد
غيداء : لاااااا
نادر : الا ودحين موافقة ولا لا
غيداء : هادا سؤال انتا ووجهك الا موافقة ونص كمان
نادر : بل مشفوحة
غيداء : ههههههههه
.................................................. .....
اعلنت موافقة غيداء وقامت الزغاريط في البيت تعلى وغيداء طايرة من الفرحة اما راكان اللي نسي السالفة ومشغول مع خطة ورد
.................................................. ..........................
7
7
7
7
7
7
7
7
7
7
واشوفكم في البارت التاني ان شاء الله
واتمنى تفاعلكم وتوقعاتكم

هاااه يا ولدي ما تبغى تتزوج
راكان : لا والفكرة دي شيلوها من راسكم
حصة : ليش ياولدي والله نفسي اشوف عيالك وافرح فيك زي ما فرحت باخواتك
راكان : امي واللي يعافيكي سكري على دي السالفة
ريان : طيب ممكن تقولنا ليش
راكان : ما اعتقد السبب يخصكم
ريان : طيب عشان امي
راكان : ريااان خلاص قفلي على السالفة
خالد : السلام عليكم
الكل : وعليكم السلام
خالد : ايش فيكم
حصة : شوف اخوك مايبغى يتزوج ما يبغى يفرحني
خالد : افااا
ريان : اقنعوا
خالد : خلاص انا اتزوج واملي لكم البيت اطفال
حصة : والله
خالد :والله
ريان : تبغى ندورلك ولا عندك
خالد : بصراحة ابغى اريج
ريان : صحبتي ؟؟؟
خالد : ايوه
حصة : خلاص من بكره نكلمها
خالد : اذا تصبحو على خير
الكل : وانتا من اهله
.................................................. .......
نعرفكم على العائلة الجديدة في الرواية
عائلة رياض
الام حصة انسانة على نياتها لا تهش ولا تنش
الاب رياض حبوب مرة
عيالهم
راكان 29 سنة يشتغل في شركة ابوه وماسك المنصب ومكان ابوه
حنان 27 سنة متزوجة وعندها فيء وضيء
ريان 26 سنة مخطوبة لولد جارهم احمد
خالد : 24 سنة يدري الطب
.................................................. ...........................
طبعا عشان عندنا راكان من اول في الرواية وهادا راكان جديد فنناديهم باسماء ابهاتهم
راكان سعود
وراكان رياض
خخخ
.................................................. .........................
نفس اليوم الساعة 5 العصر
دخلوا البيت وهما مبسوطين وفي قمة الفرح والوناسة وتنطفي عليهم اللمبات وتبدأ الابواب تتسقع (( يعني تتفتح وتتسكر ))
والستاير كمان فصار البيت كانو مسكوووون (( بسم الله الرحمن الرحيم ))
جواهر : بسم الله ... بسم الله
الجازي تقراء اية الكرسي ولوجين متعلقة في حلق عمران وتبكي وطلال حاضن لمى ويسمى والكل جاتو حالة والجد جالس على الارض وصار يدعي وعبد الرحمن وسعود متنحين مو فاهمين شي
وشوية يجي راكان سعود وهو يجري ويصرخ : اخرجووو اخررجوووو البيت مسكووووون
..............................................
في جهة تانية
حنان : ارحم نفسك من السم هادا
عمر : مالك شوغل فاهمة
حنان : طول عمري مالي شوغل اصلا مدري انا ايش فايدتي
واخذت اطفالها وخرجت وخلت عمر في السم حقتو اللي يشربو
..................................................

في جهة تانية
روان : شكلها ورد وصلت
جراح : وفي عز نومها كمان
روان : يلا بكره زي هادا الوقت احنا هناك
جراح : من جد وحشتني السعودية
روان : من جد تجي نروح نستقر هناك
رزان : ايووه احسن
جراح : صح والله احسن
روان : ليش
جراح : لانو روان خلاص زواجها قرب وبتسكن هناك اكيد
وانا نويت اخطب واكيد راح اسكن هناك يعني تجلسي لوحدك ما يصير
روان : صح .... اذا ننقل السعودية خلاص
.................................................. ....................
في نفس الوقت في السعودية
عبد الرحمن : انتا كيف جلست
راكان : دخلت واتقفلت الابواب وجوالي بطاربته فضيت والتلفون خرب فجاءة
طلال : تعالو ندخل الصالة
ودخلو الصالة وسكرو الباب وصارو يقراء القران وكل واحد يقراء اللي حافظوو
وشوية دخلت عليهم بنت ببجامة قصيرة وشعرها كير لي
ورد بصوت عالي : يا خونة تروحو ايكيا وما تاخدوني
جواهر وعيونها تدمع : بسم الله بسم الله
لوجين : عمران انا احوبك اذا مت روح اتزوج خويتك
عمران :وانا كمان احوبك واصلا ما عندي خوية بس كونت بقهرك
لوجين : احسب ... اشهد ان لا اله الا الله
ورد : هههههههههههههههههههههههههه
الكل : ؟؟؟؟؟؟؟؟؟؟
وراحت ورد تجري لحضن امها ومع انو امها اول ما شفتها صارت ترجع لتسحب لحضن عبد الرحمن
بس ورد ضمت امها وصارت تبكي والكل خايف ومستغرب واخير يستوعب وان هادي ورد
وقامو وابعدو شبح الخوف وصارو يسلمو على ورد وبداء السلام الهندي اللي ببكى
لوجين : انتي ووجهك دا متى جيتي
ورد: الساعة 7 الصباح
لوجين : وليش ما قولتيلنا
ورد : جلست الين الساعة 9 استنى ومحد جاء ودقيت على راكان وجاء اخذني
لوجين : ياااااااااي على الرومانسية
ورد : رومانسية ايش الله يهديكي
الجازي : وفين خالتك روان
ورد : طيارتهم بكره والساعة 3 العصر
جواهر : يعني انتي من الصباح جيتي
ورد : يب
عبد الرحمن : اما انك مرجوجة وخبلة
ورد : كيف المقلب
سعود وهوا يرميها بالمخدة : قطعتي قلبنا انتي والخبل هادا (( وياشر على راكان ))
الجد : وانا اقول ليش خرجت من الصباح واثاريك رحت تجيبها
عمران : نفسي اعرف على مين طالعة
ورد : على نفسي واحتمل كبير عليك
ورد : فين معتز وليلى
طلال : سافروو بره
ورد : واااااااااااااااااو رومانسية
لوجين : وانتي تعرفي الرومانسية
ورد : ليش شكلي ما يدل
راكان سعود : ابدا
الكل : هههههههه
الجازي :احم احم بقولكم شي
الكل : هلا
الجازي : مبرووك يا راكان

راكان سعود : على ايش
ورد : والله ما سوى شي المقلب انا سويتو
الكل : هههههههههه
الجد : خطبنا غيداء بنت الجيران لراكان ووافقت
راكان وجهوا تغير فجاءة وبانت عليه علامات العصبية
ورد الف علامة استفهام على راسها من شكل راكان
لوجين تطالع في امها لانها عارفة اخلاق غيداء
لمى اصلا ما كانت معاهم
طلال فرح لاخوه بس لما شاف علامات وجهو استغرب
عمران سكت لانو عارف رايو بالموضوع وعارف مين في بالو
اما سعود وعبد الرحمن واالجد وجواهر والجازي ..... عرفو انو اللي سووه غلط من شكل راكان اللي اتغير فجاءة
هدوء ما قبل العاصفة
مرة فترة والكل ساكت ويطالع في راكان وراكان نظرو موجه لورد
راكان بصوت عالي : انتو كيف تتصرفو من عندكم
الجد : احنا ما سوينا شي غلط
راكان : بس ما اعتقد اني طلبت منكم هذا الشي
الجازي : سوينا اللي شوفنافيه صح لك
راكان : بس انا ما ابغى
سعود : بتاخذها
راكان : ابوي لا تغصبني على شي ما ابغاه
سعود : ان ما اخذتها بزعل عليك ليوم الدين
في هذي اللحظة وصلت لراكان رسالة فتحها وكانت من ورد
الرسالة (( خلاص لا ترفع صوتك فوق صوت ابوك ))
راكان : اسف يباه واللي تامر عليه بيصير
خرج راكان من الصالة وقلبو يتقطع من الالم والجرح من ناحية اللي يحوبها ولا تدري عن واو بالاصح معتبرتو زي اخوها عمران ولا معتز ومن الناحية الثانية انو راح يتزوج اكره خلق الله على قلبو عشان يرضي ابوه
.................................................. ..................................
زياد : طيب ابغى اعرف عنها أي شي
غيداء : ما اعرف عنها غير انها مرجوجة والكل يحوبها
زياد : طيب مالها سوابق
غيداء : لا سجلها نظيف
زياد : مافي بنت مالها سوابق ... اسألي عنها تمام
غيداء : مااقدر
زياد : كيف ما تقدري
غيداء : ما اطيقها
زياد بعصبية : مالي شغل دبري نفسك صاحبيها تعرفي عليها اهم شي انا ابيها
غيداء : طيب مع السلامة
زياد : مع السلامة
وقفل وهوا معصب لاخر درجة واللي عصبه اكثر يزن
عبدالله بهدوء : ريلاكس
زياد : يلا ريلاكس بلا هم
عبد الله : بتجيك بس انت لا تعصب
زياد : واللي معصبني اكثر يزن
عبد الله : ما عليك منه
زياد : الموهم تقول غيداء ان مالها سوابق
عبد الله : معقولة بنت مالها سوابق وفي الزمن دا
زياد : ايه في يالذكي ..... زوجتي
عبد الله : ههههه حلوة دي زوجتك بس لا تعيدها
زياد : ايه زوجتي ولا بفضل عازب زيك طول عمري
عبد الله : لالالا تفضل عازب ولا شي روح اتزوج بالتوفيق
زياد : ما سالتني مين عروسي
عبد الله : مين
زياد : مالك شغل
.................................................. ...............................
يوم الاربـ ع ــــاء

يوم جية روان وعيالها
طبعا الكل كان في المطارمن الساعة 2 الظهروصلو على الساعة 3 وطبعا رجع الفيلم الهندي
وعشااااااااق دخلو جو السرحااااااااان
ونااااس دخلو جو التامل في وجوه بعض
.................................................. ...........
في جهة تانية في جو مليان نشاط واجتهاد جالس على كرسيه ويفكر في حياتو ((الين متى الين متى يا راكان وانتا على هادي الحالة خلاص البنت اتوفت من 4 سنوات والين دحين رافض فكرة الزواج طيب ليش رافض المصبية انو ما عندي سبب اواجه فيه اهلي او اللي حولي اصلا ايش اقولهم كونت احوب وحدة وماتت طيب الحياة تستمر واللي خلقها خلق غيرها بس بصراحة الين دحين ما لقيت اللي ابغاهامالقيت اللي تقلب حياتي )) قطع سلسلة افكارو دخول خالد
خالد بمرح : انااللي بتزوج ما سرحت لسه وانتا اللي رافض تتزوج سرحان
راكان رياض : يااااااي ياعريس
خالد : احم احم والنعم
راكان رياض : مين العروس
خالد : صاحبة ريان
راكان رياض : اللي تحوبها
خالد : كيف عرفت
راكان رياض : تحسبني غبي وادري انك كم مرة تحاول تشوفهاولو صدفة
واليوم الي تجي لبيتنا انتا ما تخرج لعلى وعسى تشوفها
خالد : هههههههههه والله انك تخوف
راكان رياض : هههههههههه
.................................................. ................
عبد الرحمن : هاا رياض ايش رايك
رياض : والله فكرة حلوة بس اكلم الاهل واشوف
سعود : خود راحتك بس قبل يوم الجمعة
رياض : متى السفر
سعود : الجمعة
رياض : الله يسهل اللي فيه الخير
عبد الرحمن : اخبار راكان لسه مو راضي يتزوج
رياض : الولد مخو يابس
سعود: يمكن ما يبغى دحين او مالقى اللي يبغاها
رياض : والله نفسنا نشوف عيالو
.................................................
جواهر : البيت نور
روان : ادري هاتي غيرو
الكل : ههههههه
جواهر : وانا اقول ورد متغيرة .... اكيد من خالتها روان
طلال : قصدك ورد اعطت خالتي
الجد : عقبال ما اشوف زواجكم
الكل : امين
الجازي : بصراحة ما اصدق بعد شهر البيت راح يفضى
ورد : وانا فين روحت
عمران : انتي بالذات دحين بجيب لك عريس
ورد : لو سمحت اكبر مني بعشرة سنوات ويشرب بيبسي ويحوب الفاست فود واممم
عمران : خلاص بطلت
ورد : مالي شوغل جيبو عريس دحين
جواهر : شوف اللي ما تستحي يا بنت عيب استحي
ورد : طفشت وانا استحي وماجاء العريس
الكل : ههههههههه
..............................................
بسوي لكم فاصل واحكيكم قصة راكان رياض وعقدتو من الزواج
راكان رياض حب بنت تدرس في الثانوي وعشقها وهيا كمان حبتو وقررو يتزوجو بعد ما تخلص البنت الثانوي لكن بعد فترة اهلها نقلو لمدينة تانية فصار يكلمها بالجوال دايما وحبها زيادة وصارت فترة ما ترد عليه لما يتصل وفي النهاية اكتشف انو اهلها عرفو بحبها والمكالمات اللي بينهم فزوجوها ولد خالها
وعشان راكان يحوبها تمنى لها السعادة مع انو منجرح من داخلو وفي يوم من الايام سمع بموتها
بعد معانتها من مرض خبيث

.................................................. .........
الوليد : يمكن تكون خير لك
راكان سعود : اقولك البنت ما اطيقها .... ما ابغاها
الوليد : طيب والحل
راكان سعود : ماادري ماادري واللي قهرني ورد ... ورد مو حاسة فيني .... ولا بالنار اللي تغلي داخلي
الوليد : كلمتها انتا
رااكان سعود : تعتبرني زي اخوها تعتبرني زي عمران
الوليد : والله حالة
راكان سعود : حاسس نفسي بختنق ... بموت ومحد حاسس فيني
الوليد : طيب روح كلم ابوك ولا ابوها وفهمهم الموضوع
راكان سعود : شكلي بسوي كدا
.................................................. ...
لوجين : ورد ممكن اسألك سؤال
ورد : تفضلي
لوجين : راكان اخويا ايش بالنسبة لكي
ورد : زي اخويا عمران
لوجين : يعني عمرك ما فكرتي فيه كزوج
ورد : لوجين راكان بمكانة اخويا ومستحيل افكر فيه كزوج
لوجين : بس هو يحوبك
ورد : ادري بس كول ما احاول احوبو ما اقدر
لوجين : طيب
.................................................. ..............
غيداء : حصلت لك معلومة
زياد : هاتيها
غيداء : بيروحو مزرعتهم في الشرقية الجمعة دي وبيجلسو طول الاجازة
زياد : بس
غيداء : احمد ربك وبوس يدك
زياد : طيب أي شي جديد قوليلي
غيداء : زياد انا انخطبت
زياد : والمطلوب مني
غيداء : ولا شي بس بقولك
زياد : طيب مبروك منك العيال ومنو المال
غيداء بحزن : الله يبارك فيك مع السلامة
زياد : مع السلامة
.................................................. ..............
معتز : صدق اللي تقوليه
ليلى : لا اكذب عليك
معتز : يعني وليد جاي
ليلى : لا ان شاء الله وتين
معتز : لا وليد
ليلى : وتين
معتز : اجل الاثنين
ليلى : ان شاء الله
معتز : ليلى انا احبك
ليلى : قيس انا احبك
معتز : ياليت امي مسميتني قيس
ليلى : ليش
معتز : عشان نفلها قيس وليلى
ليلى : ههههههه
.................................................. ..............
كانو كولهم جالسين على الغدا والجو هدوء وصمت قطع الصمت رياض
رياض : عندي موضوع موهم
الكل : تفضل
رياض : اليوم كلمني عبد الرحمن على اساس نسافر معاهم الشرقية وايش رايكم
حصة : والله فكرة حلوة

رياض : ونجلس الاجازة معاهم
ريان : واااااو فلة
رياض : هاااه ايش رايكم لازم نرود قبل الجمعة
ريان : انا موافقة
حنان : انا كمان
رياض : انتي اسالي زوجك
حنان بحزن : زوجي مسافر
رياض : اهاا طيب .... وراكان وخالد وحصة ايش رايكم
حصة : انا موافقة
خالد : مي تو
راكان : اللي تشوفوه
رياض : اجل اتجهزو خلاص السفر يوم الجمعة
.................................................. .........
رياض صاحب عبد الرحمن وسعود من هما صغار وكبرو سوى ودرسو سوى وخلصو سوى وفرقت بينهم الايام ورجعو لبعض تاني زي اول واكثر
اما حصة فهي بنت خالة الجازي وجواهر وروان بس ما تتداخل معاهم كثير
.................................................. ...................
يوم الخميس
كان الكل مجتمع في بيت عبد الرحمن والجو كان حلو مرة
في غرفة ورد : ورد ممكن اللاب توب حقك
ورد : يب ممكن
لوجين : ورد
ورد : نعم
لوجين : ولا شي بجرب صوتي
ورد : لما نسافر بركب مع جدي
رزان : وانا بركب مع طلال ولوجين وعمران والكبار لوحدهم
لمى : رزا ن وانا وجراح معاكم
رزان : لوجين
لوجين : هلا
رزان : الخدم لو حدهم صح
لوجين : يب اذا جابوهم معانا ما تفرق الموهم انا وعمران سوى
الكل : هههه
ورد :لا تقلبو السيارة
رزان : من جد
.................................................. .........
في غ ـــرفة ع ـــــمران
عمران كان جالس على اللاب توب يتفرج في صور الفلاش حقت ورد وكان الفلاش كلو صورها هيا وصحباتها وزملاءها وهو مندمج في الصور ما يدري عن اللي وراه واقف وعيونو كمان على ورد راكان سعود في نفسو (( ضاعت ضاعت من بين يديني اخ لو يرجع الزمن لحظة كان من اول ما رجعت من السفر خطبتها وكانت الحين لي )) قطع افكارو عمران
عمران : خلاص راكان انساها
راكان سعود : انتا تطلب المستحيل
عمران : مو مستحيل ولا شي انتا لازم تنساها ما صارت لك خلاص ولا انتا لها وبعدين هيا ما بتفكر فيك ولا تهتم لانك بالنسبة لها اخو يعني اخوها
راكان سعود بقهر وكانو يبكي : زي اخوها ... زي اخوها بس انا احبها تفهم ايش يعني تفهم معنى احبها من هي صغيرة احبها من اول مرة تضاربنا فيها احبها اعشقها ابوس التراب اللي تمشي عليه وانتا تقول انسها كيف ......كيف وهيا قلبي وروحي وعمري وحياتي واحلامي اللي بنيتها معاها فين تروح
عمران : راكان انتا خاطب (( ومسكه من كتفو وصار يهزو )) اصحى على نفسك انتا خاطب انتا في ذمتك وحدة غير ورد ... لازم تنسى ورد لازم تنساها
راكان بحزن : اللي تشوفو
عمران : اوعدني
راكان بتردد : اوعدك
.................................................. ...........
الجد : فين العيال
الجازي : في غرفهم

جواهر : روان والجازي تعالو ندخل االمجلس
ودخلو المجلس
.................................................. ....
عبد الرحمن : سعود
سعود : سم
عبد الرحمن : سم الله عدوك ... بس
سعود : بس ايش
عبد الرحمن : ولدك راكان موع اجبني هاذي اليومين من يوم ما خطبتلو
سعود : حتى انا حاسس اني ظلمته
عبد الرحمن : طيب روح وكلمو
سعود : انا نفسي اروح وافسخ الخطوبة كولها
عبد الرحمن : نروح ونرجع ونشوف يمكن يغير
سعود : ان شاء الله
.............................................
يوم الجمعة يوم السفر
من الصباح قامت الثلاثة العوائل عائلة رياض كولهم في سيارة ما عدى راكان رياض
والجازي وجواهر وروان مع سعود وعبد الرحمن
لوجين وعمران ورزان وطلال ولمى وجراح في سيارة
راكان سعود والجد وورد في سيارة
............................................
وقت السفر في الصباح
طبعا الكبار قاموا ول ناس وراحو مع عائلة رياض
لوجين قامت تسلم على جدها وهيا ناوية على ورد وبعد ما سلمت على جدها راحت ضربت ورد وورد قامت تجري وراها وزحلقت بشرابها ودخلت في الجدار (( والله كان يعور ))
راكان وهوا طالع الدرج مو مستوعب اللي يصير
ورد تحكي
كونت واقفة في امان الله جنب جدي وما احس الا بضربة قوية على كتفي واستوعب الموضوع انو ضربة الوداع وبسرعة قومت اجري ورى لوجين وتزحلقت بشرابي ودخلت في الجدار وتعورت مرة لكن قومت عشان ارد الضربة
لوجين تحكي
بصراحة كانت الضربة تعور توقعت انها تصرخ وما تقوم وتلم العالم بس قامت
راكان سعود يحكي :
كونت طالع لغرفة جدي وما اشوف الا لوجين نازل الدرج تجري وورها ورد تدخل في الجدار حسيت شي في داخلي انخلع بس لما شوفتها قامت تاني ارتحت
.................................................. ..................
وقامت ورد تجري ورا لوجين الين وصلت للباب وضربتها وردت حقها لكن مجرد ما حست بطعم الانتصار طاحت لان رجلينها كانت متورمة راكان ما يدري متى وصلها وودها المستشفى وضمدو لها الجرح وهما راجعين كان الجو يخيم عليه السكون والهدوء ووصلو للبيت واخذو جدهم ومسكو خط السفر
.................................................. ........
في طريق السفر
لوجين وعمران في مضاربتهم مشغولين
رزان وطلال يتكلمو
لما وجراح كانو يرسلو لبعض مقاطع فيديو وصور
في سيارة راكان
ورد : راكان متى نوصل
راكان يؤؤؤه باقي 3 ساعات
ورد : طفشت
راكان : طيب اتكلمي
ورد : عن ايش
راكان : انتي باول تعالي قودام
ورد : وجدي
راكان : نرجعو ورى
راكان وقف على جنب عشان يصحي الجد
راكان : جدي .. جدي قوم
الجد : هممممم ..... رولا خليني
راكان : مين رولا خبري جدتي اسمها فاطمة